കെ. സുധാകരൻ എം.പിക്ക് കോവിഡ് സ്ഥിരീകരിച്ചു

കണ്ണൂർ: മുതിർന്ന കോൺഗ്രസ് നേതാവും, എം.പിയുമായ കെ.സുധാകരന് കോവിഡ് സ്ഥിരീകരിച്ചു. അദ്ദേഹം ഫേസ്ബുക്കിലൂടെയാണ് രോഗവിവരം അറിയിച്ചത്. താനുമായി നേരിട്ട് സമ്പർക്കത്തിൽ ഏർപ്പെട്ടവർ ക്വാറൻ്റയിനിൽ പോകുന്നത് ഉൾപ്പടെയുള്ള മുൻ കരുതലുകൾ ഉടനടി സ്വീകരിക്കണമെന്നും അദ്ദേഹം അഭ്യർത്ഥിച്ചു. കണ്ണൂർ ജില്ലാ ആശുപത്രിയിൽ നടത്തിയ പരിശോധനയിലാണ് അദ്ദേഹത്തിന് രോഗം സ്ഥിരീകരിച്ചത്. നേരത്തെ എൻകെ പ്രേമചന്ദ്രൻ എംപിയ്ക്കും കോവിഡ് സ്ഥിരീകരിച്ചിരുന്നു. അദ്ദേഹം രോഗമുക്തി നേടി ആശുപത്രി വിട്ടിരുന്നു.