Sunday 16 December 2018


ശുദ്ധമായ സാമ്പാര്‍ പൊടി വീട്ടില്‍ തന്നെ ഉണ്ടാക്കാം...ഇതാ ടിപ്‌സ്....

By Anju N P.15 Feb, 2018

imran-azhar

 

 

ഏറ്റവും ഇഷ്ടം ആരുണ്ടാക്കുന്ന സാമ്പാര്‍ ആണ് എന്ന് ചോതിച്ചാല്‍ എല്ലാവരും പറയും അത് മുത്തശി ഉണ്ടാക്കിയിരുന്ന സാമ്പാര്‍ ആരുന്നെന്ന്. അതിന് കാരണമുണ്ട് .മുത്തശി ഉണ്ടാക്കിയിരുന്ന സാമ്പാറിന് രുചി കൂടാനുള്ള കൂട്ടാണ്. അവര്‍ സാമ്പാര്‍ തയാറാക്കിയിരുന്നത് വീട്ടില്‍ത്തന്നെ സാമ്പാര്‍ മസാല ഉണ്ടാക്കി ആയിരുന്നു .എന്നാല്‍ ഇന്ന് നമ്മള്‍ എളുപ്പ വഴികള്‍ തേടിപ്പോകുകയും സാമ്പാര്‍ പൊടി കടകളില്‍ നിന്ന് വാങ്ങി ഉപയോഗിക്കുകയും ചെയുന്നു .

 

കടകളില്‍ നിന്നും നമ്മള്‍ പൊടികള്‍ വാങ്ങുമ്പോള്‍ നിര്‍മാതാക്കള്‍ അവരുടെ ലാഭത്തിനുവേണ്ടി പല കൃത്രിമ വസ്തുക്കളും അതില്‍ ചേര്‍ക്കുകയും അതുമൂലം അതുപയോഗിച്ചു സാമ്പാര്‍ തയാറാക്കുമ്പോള്‍ നമ്മള്‍ പ്രതീക്ഷിക്കുന്ന രുചി അതിന് കിട്ടാതിരിക്കുകയും ചെയുന്നു .ഇതിന് ഒരേയൊരു പരിഹാരം നമുക്ക് ആവശ്യമായ മസ്സലക്കൂട്ടുകള്‍ വീട്ടില്‍ത്തന്നെ തയാറാക്കുക എന്നതാണ് .എന്നാല്‍ നമുക്കിന്ന് രുചികരമായ സാമ്പാര്‍ തയാറാക്കാന്‍ സഹായിക്കുന്ന സാമ്പാര്‍ കൂട്ട് വീട്ടില്‍ത്തന്നെ എങ്ങനെ തയാറാക്കാം എന്ന് നോക്കിയാലോ .

 

മുഴുവന്‍ മല്ലി-അര കപ്പ്

ചുവന്ന മുളക്-15

ഉലുവ-1 ടീ സ്പൂണ്‍

കടലപ്പരിപ്പ്-1

ടേബിള്‍ സ്പൂണ്‍ ഉഴുന്നു പരിപ്പ്-1 ടേബിള്‍ സ്പൂണ്‍

കായം-1 കഷ്ണം

കറിവേപ്പില-രണ്ടു തണ്ട്

ജീരകം-അര ടീ സ്പൂണ്‍

ഉണ്ടാക്കുന്ന വിധം :-

ഒരു ചീനച്ചട്ടി ചൂടാക്കണം. ഇതിലേക്ക് മല്ലി, കടലപ്പരിപ്പ്, ഉഴുന്നു പരിപ്പ്, ജീരകം എന്നിവയിട്ടു വറുത്തെടുക്കണം. ഇത് നീക്കി വയ്ക്കുക. അല്‍പം വെളിച്ചെണ്ണയൊഴിച്ച് കായം വറുത്തെടുക്കാം. ഇത് ഒരുവിധം പാകമാകുമ്പോള്‍ ഇതിലേക്ക് ഉലുവയിട്ടും വറുത്തെടുക്കുക. ഇത് മാറ്റി വയ്ക്കാം. പിന്നീട് ചുവന്ന മുളക് ഇതേ രീതിയില്‍ വറുത്തെടുക്കാം. കറിവേപ്പിലയും നല്ലപോലെ വറുക്കുക. തണുത്തു കഴിയുമ്പോള്‍ എല്ലാ മസാലകളും ചേര്‍ത്ത് നല്ലപോലെ പൊടിച്ചെടുക്കാം. ഇത് ചൂടാറിയ ശേഷം ഒരു ടിന്നിലിട്ട് അടച്ചു വയ്ക്കുക. സാമ്പാറുണ്ടാക്കുമ്പോള്‍ റെഡിമെയ്ഡ് പൊടികള്‍ക്ക് പകരം ഇത് ഉപയോഗിച്ചു നോക്കൂ. സാമ്പാറിന് നല്ല നാടന്‍ രുചി ലഭിയ്ക്കുന്നത് രുചിച്ചറിയാം. മേമ്പൊടി സാമ്പാര്‍ പൊടിയുണ്ടാക്കുമ്പോള്‍ മല്ലിയും മുളകും നല്ലപോലെ വറുക്കണം. മുഴുവന്‍ കായം ഉപയോഗിക്കുന്നതാണ് കൂടുതല്‍ നല്ലത്. ഇത് വറുത്ത് വേറെ പൊടിച്ചെടുക്കാന്‍ ശ്രദ്ധിയ്ക്കുക.