Friday 22 June 2018

'ക്യാപ്റ്റൻ വെറുമൊരു കരച്ചിൽ പയ്യൻ' :സ്റ്റീവ് സ്മിത്തിനെ കളിയാക്കി ബ്രിട്ടീഷ് മാധ്യമങ്ങൾ

By BINDU PP .30 Mar, 2018

imran-azhar

 

 

 

കഴിഞ്ഞ ദിവസം അരങ്ങേറിയ വികാര നിർഭരമായ നിമിഷങ്ങളെ കളിയാക്കി ബ്രിട്ടീഷ് മാധ്യമങ്ങൾ. മുൻ ഓസീസ് നായകൻ സ്റ്റീവ് സ്മിത്ത് കഴിഞ്ഞ ദിവസം മാധ്യമങ്ങൾക്ക് മുന്നിൽ പൊട്ടിക്കരഞ്ഞിരുന്നു. പന്ത് ചുരണ്ടൽ വിവാദത്തിൻെറ എല്ലാ ഉത്തരവാദിത്വവും ഏറ്റെടുക്കുന്നതായി പറഞ്ഞ അദ്ദേഹം ഏറെ വിഷമത്തോടെയാണ് സംസാരിച്ചത്. താരത്തിൻെറ കരച്ചിൽ ക്രിക്കറ്റ് ആരാധകരിലും താരങ്ങളിലുമൊക്കെ സഹതാപം ഉയർത്തിയെങ്കിലും ബ്രിട്ടീഷ് മാധ്യമങ്ങൾ സ്മിത്തിനെ വെറുതെ വിടാൻ തയ്യാറായിട്ടില്ല. ക്യാപ്റ്റൻ വെറുമൊരു കരച്ചിൽ പയ്യൻ ആയി മാറിയെന്ന് ബ്രിട്ടീഷ് മാധ്യമമായ ഡെയ്ലി മെയിൽ വിശേഷിപ്പിച്ചു.കണ്ണീർ, കള്ളങ്ങൾ, വിടപറച്ചിൽ എന്നാണ് ദി ഇൻറിപെൻറൻറ് തലക്കെട്ട് നൽകിയത്. പന്തിൽ കൃത്രിമം കാണിച്ചതിന് പിടിക്കപ്പെട്ട ഓസീസ് നായകൻ സ്മിത്തിനെയും ഉപനായകൻ ഡേവിഡ് വാർണറിനെയും ഒരു വർഷത്തേക്കാണ് ക്രിക്കറ്റ് ഓസ്ട്രേലിയ വിലക്കിയത്.