Wednesday 03 June 2020




കോവിഡ് 19 : രാജ്യത്ത് മരണം 129, ഇന്ന് 404 പേര്‍ക്ക് കൂടി രോഗം സ്ഥിരീകരിച്ചു

By online desk .07 Apr, 2020

imran-azhar

 

 

 

ന്യൂഡല്‍ഹി : ഇന്ന് എട്ട് പേര്‍ കൂടി മരിച്ചതോടെ രാജ്യത്ത് കോവിഡ് 19 ബാധിച്ച് മരിച്ചവരുടെ സംഖ്യ 129 ആയി. മഹാരാഷ്ട്രയില്‍ നാല് പേരും ആന്ധ്ര പ്രദേശില്‍ രണ്ടും രാജസ്ഥാന്‍, മദ്ധ്യപ്രദേശ് സംസ്ഥാനങ്ങളില്‍ ഓരോരുത്തരുമാണ് ഇന്ന് മരിച്ചത്. പുതുതായി 404 പേര്‍ക്ക് രോഗം സ്ഥിരീകരിച്ചു.ആകെ 4693 പേര്‍ക്ക് രോഗം ബാധിച്ചപ്പോള്‍ 346 പേര്‍ക്ക് അസുഖം ഭേദമായി. കേരളത്തില്‍ ഇന്ന് 13 പേര്‍ക്കാണ് രോഗബാധ സ്ഥിരീകരിച്ചത്. ആകെ 327 പേര്‍ക്ക് രോഗം ബാധിച്ചപ്പോള്‍ 59 പേര്‍ രോഗമുക്തി നേടി. രണ്ട് മരണം സംസ്ഥാനത്തുണ്ടായി. മഹാരാഷ്ട്രയില്‍ 120 പേര്‍ക്ക് കൂടി വൈറസ് ബാധ സ്ഥിരീകരിച്ചു. ആകെ 868 പേര്‍ക്ക് രോഗമുണ്ടായപ്പോള്‍ 56 പേര്‍ രോഗമുക്തി നേടി. 49 മരണമാണ് സംസ്ഥാനത്തുണ്ടായത്.

 

തമിഴ്‌നാട്ടില്‍ 50 പേര്‍ക്കാണ് ഇന്ന് രോഗം സ്ഥിരീകരിച്ചത്. ആകെ 621 പേര്‍ക്ക് രോഗം ബാധിച്ചപ്പോള്‍ എട്ട് പേര്‍ രോഗമുക്തി നേടി. അഞ്ച് പേര്‍ മരിച്ചു. ഡല്‍ഹിയില്‍ 20 പേര്‍ക്ക് കൂടി രോഗം സ്ഥിരീകരിച്ചു. ആകെ 523 പേര്‍ക്ക് രോഗബാധയുണ്ടായപ്പോള്‍ 16 പേര്‍ രോഗമുക്തരായി. ഏഴ് മരണം. തെലങ്കാനയില്‍ 30 പേര്‍ക്ക് കൂടി രോഗം ബാധിച്ചു. ആകെ 364 പേരാണ് രോഗബാധിതരായിരുന്നത്. 33 പേര്‍ രോഗമുക്തി നേടി. ഉത്തര്‍പ്രദേശില്‍ 27 പേര്‍ക്ക് കൂടി രോഗം സ്ഥിരീകരിച്ചു. ആകെ 305 പേര്‍ക്ക് രോഗബാധയുണ്ടായപ്പോള്‍ രോഗമുക്തരായത് 21 പേര്‍. മൂന്ന് മരണം.

 

ആന്ധ്ര പ്രദേശില്‍ 51 പേര്‍ക്ക് കൂടി കോവിഡ് 19 സ്ഥിരീകരിച്ചു. ആകെ 303 പേര്‍ രോഗബാധിതരായപ്പോള്‍അഞ്ച് പേര്‍ രോഗമുക്തി നേടി. മൂന്ന് പേരാണ് മരിച്ചത്. രാജസ്ഥാനില്‍ 22 പേര്‍ക്കാണ് ഇന്ന്് രോഗം സ്ഥിരീകരിച്ചത്. 288 പേര്‍ക്ക് രോഗബാധയുണ്ടായപ്പോള്‍ 25 പേര്‍ രോഗമുക്തി നേടി. രണ്ട്് മരണം. കര്‍ണാടകത്തില്‍ 12 പേര്‍ക്ക് കൂടി രോഗം സ്ഥിരീകരിച്ചു. ആകെ രോഗികള്‍ 163. രോഗമുക്തി നേടിയത് 20 പേര്‍. നാല് പേരാണ് സംസ്ഥാനത്ത് മരണപ്പെട്ടത്. ഗുജറാത്തില്‍ 18 പേര്‍ക്ക് കൂടി കോവിഡ് 19 സ്ഥിരീകരിച്ചു. ആകെ 146 പേര്‍ക്ക് രോഗബാധയുണ്ടായപ്പോള്‍21 പേര്‍ രോഗമുക്തി നേടി. 11 പേരാണ് ഇവിടെ ഇതുവരെ മരിച്ചത്. ഹര്യാനയില്‍ 20 പേര്‍ക്ക് കൂടി രോഗം സ്ഥിരീകരിച്ചു. ആകെ 110 പേര്‍ രോഗബാധിതരായപ്പോള്‍ 29 പേര്‍ രോഗമുക്തി നേടി.

 

ജമ്മുകാശ്മീരില്‍ മൂന്ന് പേര്‍ക്ക് കൂടി രോഗം സ്ഥിരീകരിച്ചു. ആകെ 109 പേരാണ് രോഗബാധിതരായിരുന്നത്. നാല് പേര്‍ രോഗമുക്തി നേടിയപ്പോള്‍ രണ്ട് പേര്‍ മരിച്ചു. പഞ്ചാബില്‍ 11 പേര്‍ക്ക് കൂടി രോഗം സ്ഥിരീകരിച്ചു. ആകെ 79 പേര്‍ക്കാണ് രോഗബാധയുണ്ടായത്. നാല് പേര്‍ രോഗമുക്തി നേടി. ഏഴ് മരണം. ഉത്തരഖണ്ഡില്‍ അഞ്ച് പേര്‍ക്ക് കൂടി രോഗം സ്ഥിരീകരിച്ചു. ആകെ 31 പേര്‍ക്കാണ് രോഗബാധയുണ്ടായത്. നാല് പേര്‍ രോഗമുക്തരായി. ജാര്‍ഖണ്ഡിലും ദാദ്ര, നാഗര്‍ ഹവേലിയിലും ഒരാള്‍ക്ക് കൂടി രോഗബാധയുണ്ടായി. ഇവര്‍ മാത്രമാണ് ഇവിടെ ചികിത്സയിലുളളത്.