Friday 19 July 2019




ഗോവ കോൺഗ്രസിലും പ്രതിസന്ധി രൂക്ഷം: എംഎൽഎമാർ ബിജെപിയിലേക്ക്

By Online Desk .10 Jul, 2019

imran-azhar

 

 

പനാജി: കര്‍ണാടകയിലെ പ്രതിസന്ധിക്കിടെ അയല്‍സംസ്ഥാനമായ ഗോവയിലെ പത്ത് കോണ്‍ഗ്രസ് എം.എല്‍.എമാര്‍ ബി.ജെ.പിയിലേക്ക് ചേക്കേറി. ഇതുസംബന്ധിച്ച കത്ത് എം എല്‍ എമാര്‍ സ്പീക്കര്‍ക്ക് കൈമാറി. പ്രതിപക്ഷ നേതാവ് ചന്ദ്രകാന്ത് കാവ്ലേക്കറിന്റെ നേതൃത്വത്തിലാണ് എം.എല്‍.എമാര്‍ കൂടുമാറയിത്. ഇന്നലെ വൈകിട്ടാണ് ഇവര്‍ നിയമസഭാ മന്ദിരത്തിലെത്തി സ്പീക്കറെ കണ്ടത്. മുഖ്യമന്ത്രി പ്രമോദ് സാവന്തും ഡെപ്യൂട്ടി സ്പീക്കര്‍ മൈക്കല്‍ ലോബായും ഇവരോടൊപ്പമുണ്ടായിരുന്നു.


പ്രതിപക്ഷ നേതാവായ ചന്ദ്രകാന്ത് കാവ്ലേക്കറിനൊപ്പം ഫ്രാന്‍സിസ് സില്‍വേറിയ, ഫിലിപ്പ് നെറൈ റോഡ്രിഗസ്, വില്‍ഫ്രഡ് ഡിസൂസ, നീല്‍കാന്ത് ഹലാങ്കര്‍ തുടങ്ങിയവരും ബി.ജെ.പി.യിലേക്ക് ചേക്കേറുന്നവരില്‍ ഉള്‍പ്പെടുന്നു. അതേസമയം, പാര്‍ട്ടി വിടാനിടയായ കാരണം എന്താണെന്ന ചോദ്യത്തോട് ചന്ദ്രകാന്ത് കാവ്ലേക്കറും എം.എല്‍.എമാരും പ്രതികരിച്ചില്ല.


ഗോവയില്‍ ആകെ 15 എം.എല്‍.എമാരാണ് കോണ്‍ഗ്രസിനുള്ളത്. നാല്‍പതംഗം നിയമസഭയില്‍ ബി.ജെ.പിക്ക് പതിനേഴ് അംഗങ്ങളാണുള്ളത്. മൂന്ന് അംഗങ്ങളുള്ള ഗോവ ഫോര്‍വേഡ് പാര്‍ട്ടിയുടെയും മൂന്ന് സ്വതന്ത്രരുടെയും പിന്തുണയോടെയാണ് ബി.ജെ.പി ഭരണം നടത്തുന്നത്.