Sunday 31 May 2020




പ്രധാനമന്ത്രിയുടെ ദീപം കത്തിക്കല്‍ ആഹ്വാനത്തിനെതിരെ വ്യാപക വിമര്‍ശനം

By Online Desk .03 Apr, 2020

imran-azhar

 

ന്യൂഡല്‍ഹി: കോവിഡ് 19 ആയി ബന്ധപ്പെട്ട് പ്രധാനമന്ത്രി നരേന്ദ്രമോദിയുടെ ദീപം കത്തിക്കല്‍ ആഹ്വാനത്തനെതിരെ വ്യാപക വിമര്‍ശനം. രാജ്യത്തെ യഥാര്‍ത്ഥ പ്രശ്നങ്ങള്‍ മോദി കാണുന്നില്ലെന്ന് പ്രതിപക്ഷ നേതാക്കള്‍ പറഞ്ഞു.
ആളുകളുടെ വേദന, സാമ്പത്തിക വിഷമം, അവരുടെ ബുദ്ധിമുട്ടുകള്‍ എന്നിവ എങ്ങനെ ലഘൂകരിക്കാം എന്നതിനെ കുറിച്ച് ഒരക്ഷരം മിണ്ടാതെ ഷോ കാണിക്കുക മാത്രമാണ് പ്രധാനമന്ത്രി ചെയ്യുന്നതെന്ന് ശശി തരൂര്‍ എം.പി കുറ്റപ്പെടുത്തി. ട്വിറ്ററിലൂടെയായിരുന്നു തരൂരിന്റെ വിമര്‍ശനം. ചരിത്രകാരന്‍ രാമചന്ദ്ര ഗുഹ
പ്രധാനമന്ത്രിയുടെ നിര്‍ദ്ദേശം ദുരന്തകാലത്തെ പ്രഹസനമെന്നും ഇവന്റ് മാനേജ്‌മെന്റ് 9.0 എന്നും വിശേഷിപ്പിച്ചു. സംസ്ഥാനങ്ങള്‍ക്കുള്ള വിഹിതം പ്രഖ്യാപിക്കാതെ മോദി എന്താണ് ചെയ്യുന്നതെന്ന് തൃണമൂല്‍ കോണ്‍ഗ്രസ് എം.പി മഹുവ മൊയ്ത്ര ചോദിച്ചു. രാജ്യം മോദിയെ കേട്ടത് പോലെ രാജ്യത്തെ രോഗപ്രതിരോധകരെയും സാമ്പത്തികശാസ്ത്രജ്ഞരെയും മോദി കേള്‍ക്കണമെന്ന് മുതിര്‍ന്ന കോണ്‍ഗ്രസ് നേതാവ് മുന്‍ ധനകാര്യമന്ത്രിയുമായ പി. ചിദംബരം പറഞ്ഞു. പ്രധാനമന്ത്രിയുടെ നിര്‍ദേശത്തെ പരിഹസിച്ചുക്കൊണ്ട് മുന്‍ ഐ.എ.എസ് ഉദ്യോഗസ്ഥന്‍ കണ്ണന്‍ ഗോപിനാഥനും രംഗത്തെത്തി. ടോര്‍ച്ചിനും ബാറ്ററിക്കും മെഴുകുതിരിക്കും ഇതുവരെ ക്ഷാമം ഉണ്ടായിരുന്നില്ല. ഇപ്പോള്‍ അതും കൂടിയായെന്നും അദ്ദേഹം ട്വീറ്റ് ചെയ്തു.