Friday 22 March 2019


പ്രധാനമന്ത്രി 15ന് പത്മനാഭസ്വാമി ക്ഷേത്രം സന്ദര്‍ശിക്കും

By Online Desk .10 Jan, 2019

imran-azhar

 

 

തിരുവനന്തപുരം: കേരളത്തിലെത്തുന്ന പ്രധാനമന്ത്രി നരേന്ദ്രമോദി ജനുവരി 15 ചൊവ്വാഴ്ച്ച ശ്രീപത്മനാഭസ്വാമി ക്ഷേത്രത്തില്‍ ദര്‍ശനം നടത്തും. കേന്ദ്രടൂറിസം മന്ത്രാലയം നൂറ് കോടിയോളം രൂപ ചിലവിട്ട് ക്ഷേത്രത്തില്‍ നടത്തിയ നിര്‍മ്മാണ പ്രവര്‍ത്തനങ്ങളുടെ ഉദ്ഘാടനവും സന്ദര്‍ശനത്തിനിടെ പ്രധാനമന്ത്രി നിര്‍വഹിക്കും.

 

ചൊവ്വാഴ്ച്ച വൈകിട്ട് ഏഴിനും ഒന്‍പതിനും ഇടയിലാവും പ്രധാനമന്ത്രി ക്ഷേത്ര ദര്‍ശനത്തിന് എത്തുക. കേന്ദ്രടൂറിസം മന്ത്രി അല്‍ഫോണ്‍സ് കണ്ണാന്താനത്തെ പ്രധാനമന്ത്രിയുടെ ഓഫീസ് വിവരം അറിയിച്ചു. കൊല്ലം ബൈപ്പാസിന്റെ ഉദ്ഘാടനവും മോദി നിര്‍വഹിക്കും.