By online desk.16 Feb, 2019
തിരുവനന്തപുരം: പൊലീസിന്റെ അടിയന്തര സേവനങ്ങള് ലഭിക്കാന് വിളിക്കുന്ന 100 എന്ന നമ്പര് മാറുന്നു. 'ഡയല് 100' (ഉശമഹ100) ന് പകരം 112 ലേക്കാണ് പൊലീസിന്റെ മാറ്റം. രാജ്യം മുഴുവന് ഒറ്റ കണ്ട്രോള് റൂം നമ്പറിലേക്ക് മാറുന്നതിന്റെ ഭാഗമായാണ് പുതിയ പദ്ധതി. പൊലീസ്, ഫയര്ഫോഴ്സ്, ആംബുലന്സ് എന്നീ സേവനങ്ങള്ക്കെല്ലാം ഇനി 112 ലേക്ക് വിളിച്ചാല് മതി. 100-ല് വിളിക്കുമ്പോള് ഓരോ ജില്ലകളിലേയും കണ്ട്രോള് റൂമിലേക്കാണ് വിളിപോകുന്നത്. ഈ മാസം 19 മുതല് എവിടെ നിന്ന് 112 ലേക്ക് വിളിച്ചാലും പൊലീസ് ആസ്ഥാനത്തെ കേന്ദ്രീകൃത കണ്ട്രോള് റൂമിലേക്കാവും വിളിയെത്തുക. ഒരേ സമയം 50 കോളുകള് വരെ സ്വീകരിക്കാനുള്ള സംവിധാനവും പൊലീസുകാരും ഇവിടെയുണ്ടാകും. വിവരങ്ങള് ശേഖരിച്ച് ഞൊടിയില് സേവനമെത്തേണ്ട സ്ഥലത്തിന് സമീപമുള്ള പൊലീസ് വാഹനത്തിലേക്ക് സന്ദേശം കൈമാറും.