Thursday 25 April 2019


വീട് നിര്‍മിച്ച് നല്‍കാമെന്ന് വാക്ക് നല്‍കി പറ്റിച്ചു; മഞ്ജു വാര്യര്‍ക്കെതിരെ ആദിവാസികള്‍

By anju.11 Feb, 2019

imran-azhar

 

നടി മഞ്ജു വാര്യര്‍ വാക്ക് നല്‍കി പറ്റിച്ചെന്നാരോപിച്ച് വയനാട് പരക്കുനി കോളനിയിലെ ആദിവാസികള്‍ രംഗത്ത്. വീട് നല്‍കാമെന്ന് പറഞ്ഞ് തങ്ങളെ പറ്റിച്ചെന്ന് ആരോപിച്ച് നടിയുടെ വീടിനു മുന്നില്‍ കുടില്‍ കെട്ടി സമരം തുടങ്ങാനൊരുങ്ങിയിരിക്കുകയാണ് ആദിവാസികള്‍.


ഒന്നര വര്‍ഷം മുന്‍പാണ് വീട് വാഗ്ദാനവുമായി മഞ്ജു വാര്യര്‍ ആദിവാസി കോളനിയിലെത്തിയത്. ജില്ലാ ഭരണകൂടവുമായി ചര്‍ച്ച ചെയ്ത് പദ്ധതിയും തയ്യാറാക്കിയെന്നുംം എന്നാല്‍, നാളിതുവരെയായിട്ടും പ്രാരംഭ പ്രവര്‍ത്തനം പോലും നടത്തില്ലെന്നാണ് ആദിവാസികളുടെ ആരോപണം.

 

57 കുടംബങ്ങളാണ് കോളനിയിലുള്ളത്. മഞ്ജുവാര്യരുടെ വാദ്ഗാനം വന്നതോടെ മറ്റ് പദ്ധതികളൊന്നും ഇവര്‍ക്ക് ലഭിക്കാതായി. വീട് പുതുക്കി പണിയുന്നതിനോ പുനര്‍ നിര്‍മ്മാണത്തിനോ സഹായം കിട്ടുന്നില്ല. ഈ സാഹചര്യത്തിലാണ് ആദിവാസികള്‍ പരസ്യമായി പ്രതിഷേധിക്കാന്‍ ഒരുങ്ങുന്നത്.

 

ഈ വരുന്ന 13 ന് തൃശൂരിലെ താരത്തിന്റെ വീടിന് മുന്നില്‍ കുടില്‍ കെട്ടി സമരം തുടങ്ങുമെന്ന് ആദിവാസികള്‍ വയനാട്ടില്‍ വിളിച്ച വാര്‍ത്താസമ്മേളനത്തില്‍ അറിയിച്ചു.