Sunday 15 December 2019




ടിക് ടോക്ക് വീഡിയോ ചിത്രീകരിക്കുന്നതിനിടെ യുവതിയ്ക്ക് ദാരുണാന്ത്യം

By online desk .15 Jul, 2019

imran-azhar

 

 

കോളാര്‍: ടിക് ടോക്ക് വീഡിയോ ചിത്രീകരിക്കുന്നതിനിടെ ഇരുപതുവയസുകാരിക്ക് ദാരുണാന്ത്യം. കര്‍ണാടകയിലെ കോളാര്‍ ജില്ലയിലാണ് സംഭവം. ടിക് ടോക് വീഡിയോ ചിത്രീകരിക്കുന്നതിനിടെ വെള്ളക്കെട്ട് നിറഞ്ഞ പാടത്ത് വീണാണ് മാല എന്ന പെണ്‍കുട്ടി മരിച്ചത്. ബി.എ പൂര്‍ത്തിയാക്കിയ മാല ജോലിക്കായി ശ്രമിച്ചുകൊണ്ടിരിക്കുകയായിരുന്നു.

 

പൊലീസും ഫയര്‍ഫോഴ്സും എത്തിയാണ് പെണ്‍കുട്ടിയുടെ മൃതദേഹം പുറത്തെടുത്തത്. അതേമസയം വീഡിയോ ചിത്രീകരിച്ചുകൊണ്ടിരുന്ന മൊബൈല്‍ ഫോണ്‍ കണ്ടെത്താനായില്ല. ആളില്ലാത്ത പാടശേഖരത്തിന് ചുറ്റുവേലി കെട്ടിയിരുന്നില്ല. ഇതാണ് പെണ്‍കുട്ടി വെള്ളക്കെട്ടില്‍ വീഴാന്‍ കാരണമെന്നാണ് പ്രാഥമിക നിഗമനം.

 

അതേസമയം തന്റെ മകള്‍ പശുവിനുള്ള പുല്ല് ചെത്താന്‍ പാടത്ത് പോയതാണെന്നും കാല് തെന്നി വെള്ളക്കെട്ടില്‍ വീണതാകാമെന്നും മാലയുടെ പിതാവ് നാരായണപ്പ പൊലീസിന് നല്‍കിയ പരാതിയില്‍ സംശയം പ്രകടിപ്പിച്ചിട്ടുണ്ട്. മാല പഠനത്തില്‍ മിടുക്കയായിരുന്നെന്നും സ്‌കോളര്‍ഷിപ്പോടുകൂടി പഠിച്ചിരുന്ന സമര്‍ത്ഥയായ വിദ്യാര്‍ത്ഥിനിയായിരുന്നുവെന്നും മാല പഠിച്ചിരുന്ന കോളാറിലെ ഗവണ്‍മെന്റ് വിമന്‍സ് കോളജിലെ അദ്ധ്യാപകര്‍ പറഞ്ഞു.