Tuesday 20 November 2018


കാര്‍ത്യായനി അമ്മയെ സിനിമയിലേക്ക് ക്ഷണിച്ച് മഞ്ജു; തൊഴു കയ്യോടെ കാര്‍ത്യായനിയമ്മ പറഞ്ഞത് ഇങ്ങനെ....!

By Anju N P.07 Nov, 2018

imran-azhar

 

ഹരിപ്പാട്: സാക്ഷരാതാ മിഷന്റെ അക്ഷരലക്ഷം തുല്യതാ പരീക്ഷയില്‍ 98 മാര്‍ക്ക് നേടി ഒന്നാമതെത്തിയ കാര്‍ത്ത്യായനിയമ്മയെ സിനിമയിലേക്ക് ക്ഷണിച്ച് മലയാളത്തിന്റെ ലേഡീസൂപ്പര്‍ മഞ്ജുവാര്യര്‍. എന്നാല്‍ തനിക്ക് അഭിനയിക്കേണ്ട് പറഞ്ഞ് താരത്തെ പോലും അദ്ഭുതപ്പെടുത്തി കാര്‍ത്യായനിയമ്മ മറുപടി നല്‍കി..

 

സിനിമയില്‍ അഭിനയിക്കുന്നോ..? എന്ന് ചോദിച്ച മഞ്ജുവിനോട് തൊഴുകൈയോടെ 'വേണ്ടെന്നും പഠിക്കാനാണിഷ്ടം, കമ്പ്യൂട്ടറും പഠിക്കണം, എന്നുമായിരുന്നു കാര്‍ത്ത്യായനിയമ്മയുടെ മറുപടി.


അമ്മൂമ്മയെ ചേര്‍ത്തു പിടിച്ചു സെല്‍ഫിയെടുക്കാനും മുണ്ടുംനേര്യതും സമ്മാനിക്കാനും. പൊന്നാടയണിയിക്കാനും താരം മറന്നില്ല. കൂടികാഴ്ച ഇരുവരും കേക്ക് മുറിച്ച് ആഘോഷിച്ചു.

 

97-ാം വയസ്സില്‍ അക്ഷരലക്ഷം പരീക്ഷയില്‍ 98 മാര്‍ക്ക നേടി മലയാളക്കരയുടെ മിടുക്കിയായി മാറിയ കാര്‍ത്യായനി അമ്മ വാര്‍ത്താതാരമായപ്പോള്‍ അവരെ കാണണമെന്ന ആഗ്രഹം സാക്ഷരതാ മിഷന്‍ അംബാസഡറായ മഞ്ജു ഫേസ്ബുക്കില്‍ കുറിച്ചിരുന്നു.

 

സന്തോഷ് ശിവന്റെ 'ജാക്ക് ആന്‍ഡ് ജില്‍' എന്ന ചിത്രത്തിന്റെ ഷൂട്ടിനായി ഹരിപ്പാടെത്തിയപ്പോഴായിരുന്നു മഞ്ജു ആലപ്പുഴ ചേപ്പാട് സ്വദേശിയായ കാര്‍ത്യാനി അമ്മയെ കാണാനിടയായത്.