Monday 22 April 2019


വെന്തുരുകി സൗദി; ഇത്തവണ ചൂട് 49 ഡിഗ്രി വരെയെത്തും

By Anju N P.22 Jun, 2018

imran-azhar

 

സൗദിയുടെ വിവിധ ഭാഗങ്ങളില്‍ 49 ഡിഗ്രി വരെ ഇത്തവണ ചൂട് പ്രകടമാവും. പുറം ജോലിക്കാര്‍ക്കുള്ള നിയന്ത്രണം ലംഘിച്ചതിന് അന്‍പതോളം കേസുകള്‍ രജിസ്റ്റര്‍ ചെയ്തു. കഴിഞ്ഞ തവണത്തെ അപേക്ഷിച്ച് ഹജ്ജും ഇത്തവണ കനത്ത ചൂടിലാകും.

 

സൗദിയുടെ പ്രധാന ഭാഗങ്ങളിലെല്ലാം തന്നെ വരണ്ട കാലാവസ്ഥ ശക്തമാവുകയാണ്. നാല്‍പത് ഡിഗ്രിക്ക് മേലെയാണ് ശരാശരി ചൂട്. ഇത് 49 ഡിഗ്രി വരെയെത്തും. സൂര്യന് താഴെ ജോലി ചെയ്യുന്നവര്‍ക്ക് നിയന്ത്രണം പ്രാബല്യത്തിലാണ്. 12 മുതല്‍ 3 മണി വരെയാണ് ഉച്ച ജോലിയില്‍ നിയന്ത്രണം. സെപ്തംബര്‍ 15 വരെ ഈ നിയന്ത്രണം തുടരും. ഇത് ലംഘിച്ച സംഭവങ്ങളില്‍ ആറ് കേസുകള്‍ രജിസ്റ്റര്‍ ചെയ്തു. വരുന്ന 20 ദിവസങ്ങളില്‍ കനത്ത ചൂടിനും പൊടിക്കാറ്റിനും സാധ്യതയുണ്ട്. കനത്ത ചൂടിന് മുന്നോടിയായി ചില ഭാഗങ്ങളില്‍ മഴയും പെയ്തു. കൊടും ചൂടില്‍ ഉച്ചക്കുള്ള ദീര്‍ഘ ദൂര യാത്രകള്‍ കുറയ്ക്കണമെന്നും മുന്നറിയിപ്പുണ്ട്.