Wednesday 12 December 2018


നീലവസന്തം തേടി ഹൈറേഞ്ചിലേക്ക് സഞ്ചാരികള്‍ ഒഴുകിയെത്തുന്നു

By Anju N P.25 Sep, 2018

imran-azhar

നീലവസന്തം തേടി ഹൈറേഞ്ചിലേക്ക് സഞ്ചാരികള്‍ ഒഴുകിയെത്തുകയാണ്. പൂത്തു നില്‍ക്കുന്ന കുറിഞ്ഞി കാണാന്‍ രാജമലയിലും കൊളുക്കുമലയിലും വലിയ തിരക്കാണ് അനുഭവപ്പെടുന്നത്.

 

ദിനംപ്രതി നാലായിരത്തോളം പേരാണ് നീലവസന്തം ആസ്വദിക്കാനായി രാജമലയിലെത്തുന്നത്. നീലക്കുറിഞ്ഞി മാത്രമല്ല വരയാടുകളും സുലഭമായി കാണാമെന്നതാണ് രാജമലയുടെ സവിശേഷത.

 

12 വര്‍ഷത്തില്‍ ഒരിക്കല്‍ മാത്രം പൂവിടുന്ന സ്‌പ്രേ ബലാന്തസ് കുന്തിയാനസ് എന്ന ശാസ്ത്ര നാമത്തിലുള്ള നീലക്കുറിഞ്ഞിയാണ് മറയൂര്‍, വട്ടവട എന്നിവിടങ്ങള്‍ക്കൊപ്പം കേരള- തമിഴ്‌നാട് അതിര്‍ത്തി മേഖലയായ കൊളുക്ക്മയിലും വ്യാപകമായി പൂവിട്ടിരിക്കുന്നത്.
സഞ്ചാരികള്‍ക്ക് കൊളുക്ക്മലയില്‍ എത്തിച്ചേരാന്‍ ഇടുക്കി ജില്ലാ ടൂറിസം പ്രമോഷന്‍ കൗണ്‍സില്‍ സൗകര്യമൊരുക്കിയിട്ടുണ്ട് . ഓണ്‍ലൈനായും മൂന്നാറിലെ വിവിധ കേന്ദ്രങ്ങളില്‍ നിന്നും രാജമലയിലേക്ക് ടിക്കറ്റ് സ്വന്തമാക്കാം. രാവിലെ 7.30 മുതല്‍ വൈകിട്ട് 4 മണി വരെയാണ് രാജമലയിലെ സന്ദര്‍ശന സമയം.