ഭക്ഷണ പരീക്ഷണത്തിന്റെ നിരവധി വീഡിയോകള്‍ സോഷ്യല്‍ മീഡിയയില്‍ പ്രചരിക്കാറുണ്ട്. ജനപ്രിയ ഭക്ഷണമാണ് ബ്രഡ് പക്കോഡയിലാണ് പുത്തന്‍ പരീക്ഷണം നടത്തിയിരിക്കുന്നത്.

ബ്രെഡും ഉരുളക്കിഴങ്ങ് മസാലയുമാണ് ഇതിലെ പ്രധാന ചേരുവകള്‍.തെരുവുകച്ചവടക്കാരന്‍ ഉണ്ടാക്കുന്നത് പക്ഷേ സാധാരണ ബ്രെഡ് പക്കോഡയല്ല.

അരക്കിലോയോളം ഭാരം വരുന്ന ഭീമന്‍ ബ്രെഡ് പക്കോഡയാണ് ഇയാള്‍ തയ്യാറാക്കിയിരിക്കുന്നത്. ദില്‍സേഫുഡീ എന്ന ഫുഡ് ബ്ലോഗറാണ് ഈ വീഡിയോ ഇന്‍സ്റ്റഗ്രാമില്‍ പങ്കുവച്ചിരിക്കുന്നത്.

വൈറ്റ് ബ്രെഡെടുത്ത് അതിലേയ്ക്ക് ഉരുളക്കിളങ്ങ് മസാല നിറയ്ക്കുന്നിടത്ത് നിന്നാണ് വീഡിയോ ആരംഭിക്കുന്നത്. അതിന് മുകളിലേയ്ക്ക് വലിയൊരു കഷ്ണം പനീറും വെയ്ക്കുന്നുണ്ട്.

ശേഷം മറ്റൊരു ബ്രെഡിലും മസാല നിറച്ച് രണ്ടും ചേര്‍ത്തും വെയ്ക്കുന്നു. പിന്നീട് അത് വറുത്തെടുക്കാനായി തയ്യാറാക്കി വെച്ചിരിക്കുന്ന മാവില്‍ മുക്കുന്നു. ശേഷം നന്നായി പൊരിച്ചെടുക്കുന്നു.

സ്വര്‍ണ നിറത്തില്‍ വറുത്തുകോരിയ ബ്രെഡ് രണ്ടായി മുറിച്ചെടുത്താണ് വിളമ്പുന്നത്. ഒരു പീസ് ബ്രെഡ് തന്നെ 250 ഗ്രാം ഭാരമുണ്ട്.