ന്യൂഡല്‍ഹി: ഇന്ത്യയുടെയും ചൈനയുടെയും ഉന്നത സൈനിക ഉദ്യോഗസ്ഥര്‍ ലഡാക്കിലെ ചുഷൂലില്‍ നടന്ന പ്രത്യേക സൈനിക ചര്‍ച്ചയില്‍ ഹോട്ട്‌ലൈന്‍ സ്ഥാപിക്കുന്നത് സംബന്ധിച്ച് ചര്‍ച്ച ചെയ്തു. അതിര്‍ത്തി പ്രദേശത്ത് ഇരു സേനകളും തമ്മിലുള്ള പ്രശ്‌നങ്ങള്‍ തടയുന്നതിന് ഹോട്ട്‌ലൈന്‍ സ്ഥാപിക്കാന്‍ സാധ്യതയുണ്ട്. ആദ്യ ഘട്ടമെന്ന നിലയില്‍ ഇരു രാജ്യങ്ങളുടേയും വ്യോമസേനകള്‍ തമ്മിലായിരിക്കും ഹോട്ട്‌ലൈന്‍ ബന്ധം സ്ഥാപിക്കുക.

ഇന്ത്യയും ചൈനയും തമ്മിലുള്ള ഭാവി ചര്‍ച്ചകളില്‍ ഹോട്ട്‌ലൈനിന്റെ ഘടനയും നിലയും തീരുമാനിക്കാന്‍ സാധ്യതയുണ്ട്. കഴിഞ്ഞയാഴ്ച നടന്ന പ്രത്യേക സൈനിക ചര്‍ച്ചയില്‍ ഇന്ത്യയ്്ക്ക് വേണ്ടി ഒരു മേജര്‍ ജനറലും വ്യോമസേനയില്‍ നിന്നുള്ള എയര്‍ കമ്മഡോറും നേതൃത്വം നല്‍കി.ആദ്യമായാണ് ഇന്ത്യന്‍ വ്യോമസേന (ഐഎഎഫ്) ചൈനയുമായുള്ള ചര്‍ച്ചയുടെ ഭാഗമാകുന്നത് .

ഇരുപക്ഷവും ഏകദേശം രണ്ട് വര്‍ഷമായി സ്റ്റാന്‍ഡ് ഓഫ് പ്രമേയം ചര്‍ച്ച ചെയ്യുന്ന അതിര്‍ത്തി മീറ്റിംഗ് പോയിന്റില്‍ ചൊവ്വാഴ്ച ചുഷുല്‍ മോള്‍ഡോ സെക്ടറിലാണ് ചര്‍ച്ചകള്‍ നടന്നത്. പറക്കുമ്പോള്‍ അവരവരുടെ പ്രദേശത്ത് തന്നെ തുടരാനും എല്‍എസി മാനിക്കാനും ഇന്ത്യ ആവശ്യപ്പെട്ടു.

ചൈനയുടെ പ്രവര്‍ത്തനത്തിനെതിരെ ഉറച്ച നിലപാട് സ്വീകരിച്ചിട്ടുണ്ടെന്നും യഥാര്‍ത്ഥ നിയന്ത്രണ രേഖയ്ക്ക് (എല്‍എസി) കുറുകെയുള്ള വ്യോമാക്രമണം തുടര്‍ച്ചയായി നിരീക്ഷിച്ചു വരികയാണെന്നും എയര്‍ ചീഫ് മാര്‍ഷല്‍ വിആര്‍ ചൗധരി പറഞ്ഞു.

എല്‍എസിയിലെ ഏതെങ്കിലും ചൈനീസ് ലംഘനപ്രവര്‍ത്തനങ്ങള്‍ നിരീക്ഷിച്ചാലുടന്‍ ഞങ്ങള്‍ ഞങ്ങളുടെ യുദ്ധവിമാനങ്ങള്‍ ഇടപെടുന്നുണ്ട. കിഴക്കന്‍ ലഡാക്ക് സെക്ടറിലെ എല്‍എസിയില്‍ റഡാറുകള്‍ വിന്യസിച്ചു തുടങ്ങിയെന്നും അദ്ദേഹം കൂട്ടിച്ചേര്‍ത്തു.

ക്രമേണ, ഈ റഡാറുകളെല്ലാം ഞങ്ങളുടെ ഇന്റഗ്രേറ്റഡ് എയര്‍ കമാന്‍ഡ് ആന്‍ഡ് കണ്‍ട്രോള്‍ സിസ്റ്റവുമായി (ഐഎസിസിഎസ്) സംയോജിപ്പിച്ചതിനാല്‍ അതിര്‍ത്തിയിലുടനീളം വ്യോമാതിര്‍ത്തി നിരീക്ഷിക്കാന്‍ കഴിയും.