യുകെയില്‍ കുരങ്ങുപനി കേസുകള്‍ 1,200 ആയി ഉയര്‍ന്നതായി ആരോഗ്യ അധികൃതര്‍ അറിയിച്ചു.യുകെ ഹെല്‍ത്ത് സെക്യൂരിറ്റി ഏജന്‍സി (യുകെഎച്ച്എസ്എ) നല്‍കുന്ന വിവരം അനുസരിച്ച് പുതിയതായി 1,235 പേര്‍ക്ക് രോഗം സ്ഥിരീകരിച്ചിട്ടുണ്ട്.ജൂണ്‍ 26 മുതല്‍ തലസ്ഥാനത്ത് 33 പുതിയ കേസുകളുമായി ലണ്ടനില്‍ ഏകദേശം 700 കേസുകളുമാണ് റിപ്പോര്‍ട്ട് ചെയ്യപ്പെട്ടിട്ടുള്ളത്.

ഇംഗ്ലണ്ടിലെ 75 ശതമാനം കേസുകളും റിപ്പോര്‍ട്ട് ചെയ്തിരിക്കുന്നത് ലണ്ടനിലാണ്.898 കേസുകളില്‍ 692 എണ്ണം കേസുകളും ലണ്ടനിലാണ്. ഒരാഴ്ചയ്ക്കുള്ളില്‍ ഇംഗ്ലണ്ടില്‍ 150 പുതിയ കേസുകള്‍ റിപ്പോര്‍ട്ട് ചെയ്തു. ഇംഗ്ലണ്ടിലെ മൊത്തം കേസുകളുടെ എണ്ണം 1,185 ആയി.സ്‌കോട്ട്‌ലന്‍ഡില്‍ 34 പേര്‍ക്കാണ് കുരങ്ങുപനി സ്ഥിരീകരിച്ചിരിക്കുന്നത്.
വെയില്‍സില്‍ 10 കേസുകളും വടക്കന്‍ അയര്‍ലന്‍ഡില്‍ ആറ് കേസുകളും റിപ്പോര്‍ട്ട് ചെയ്തു.

പോസിറ്റീവായവരോ കുരങ്ങുപനിയുടെ ലക്ഷണങ്ങളുള്ളവരോ ക്വാറന്റീനില്‍ കഴിയാന്‍ പറഞ്ഞവരോ പ്രൈഡില്‍ പങ്കെടുക്കരുതെന്ന് നിര്‍ദ്ദേശം നല്‍കിയിട്ടുണ്ട്.ബഹുഭൂരിപക്ഷം  കേസുകളും സ്വവര്‍ഗരതിക്കാരിലോ ബൈസെക്ഷ്വലിലോ പുരുഷന്മാരുമായി ലൈംഗിക ബന്ധത്തിലേര്‍പ്പെടുന്ന മറ്റ് പുരുഷന്മാരിലോ ആണ് കാണുന്നതെന്ന് യുകെഎച്ച്എസ്എ പറഞ്ഞു.

''നിങ്ങള്‍ ഏതെങ്കിലും ഇവന്റുകളിലേക്കോ പാര്‍ട്ടികളിലേക്കോ പോകുന്നതിനു മുമ്പ്, കുമിളകള്‍ പോലുള്ള പാടുകളും തിണര്‍പ്പുകളും ഉണ്ടോയെന്ന് സ്വയം പരിശോധിക്കുക. നിങ്ങള്‍ക്ക് കുരങ്ങുപനി ലക്ഷണങ്ങളുണ്ടെങ്കില്‍ അല്ലെങ്കില്‍ അസുഖം തോന്നുന്നുവെങ്കില്‍ ദയവായി പങ്കെടുക്കരുത്, ''ഡയറക്ടര്‍ വെന്‍ഡി ഷെപ്പേര്‍ഡ് പറഞ്ഞു.

നിങ്ങള്‍ക്ക് ചുണങ്ങോ കുമിളകളോ ഉണ്ടെങ്കില്‍, വീട്ടില്‍ തന്നെ തുടരുക, ഒരു ലൈംഗികാരോഗ്യ ക്ലിനിക്കിലേക്ക് ഫോണ്‍ ചെയ്യുക, പരിശോധന നടത്തുക. വരാനിരിക്കുന്ന ആഴ്ചകളില്‍ ഏതെങ്കിലും കുരങ്ങുപനി ലക്ഷണങ്ങളുണ്ടെങ്കില്‍ ദയവായി ജാഗ്രത പാലിക്കുക. പ്രത്യേകിച്ചും നിങ്ങള്‍ പുതിയ ഒരാളുമായി ലൈംഗിക ബന്ധത്തിലേര്‍പ്പെടുകയാണെങ്കില്‍.

1972ല്‍ ബ്രിട്ടന്റെ ആദ്യത്തെ പ്രൈഡ് മാര്‍ച്ച് നടന്നതിന് ശേഷം 50 വര്‍ഷങ്ങള്‍ക്ക് ശേഷം ശനിയാഴ്ച നടക്കുന്ന പരേഡിലോ കാണികളായോ 1.5 ദശലക്ഷത്തിലധികം ആളുകള്‍ പങ്കെടുക്കുമെന്ന് പ്രതീക്ഷിക്കുന്നു.

വൈറസ് ബാധിച്ച ഒരാള്‍ ഉപയോഗിക്കുന്ന വസ്ത്രങ്ങള്‍, കിടക്കകള്‍ അല്ലെങ്കില്‍ തൂവാലകള്‍ എന്നിവയിലൂടെയും ചര്‍മ്മത്തിലെ കുമിളകള്‍ സ്പര്‍ശിക്കുന്നതിലൂടെയോ ചുണങ്ങുള്ള ഒരാളുടെ ചുമയിലൂടെയോ തുമ്മലിലൂടെയോ കുരങ്ങുപനി പടരും.കുരങ്ങുപനി ഒരു അപൂര്‍വ വൈറല്‍ അണുബാധയാണെന്ന് യുകെഎച്ച്എസ്എ ലണ്ടന്‍ പബ്ലിക് ഹെല്‍ത്ത് റീജിയണല്‍ ഡയറക്ടര്‍ പ്രൊഫസര്‍ കെവിന്‍ ഫെന്റണ്‍ പറഞ്ഞു, എന്നാല്‍ അടുത്ത ശാരീരിക സമ്പര്‍ക്കത്തിലൂടെയും കിടക്കകളും തൂവാലകളും പങ്കിടുന്നതിലൂടെയും പകരാം.

നിങ്ങളുടെ ശരീരത്തില്‍ എവിടെയെങ്കിലും പാടുകള്‍, അള്‍സര്‍ അല്ലെങ്കില്‍ കുമിളകള്‍ പോലെ പ്രത്യക്ഷപ്പെടുന്ന ചുണങ്ങു, അതുപോലെ പനി, തലവേദന, പേശികള്‍ വേദന, വിറയല്‍, വളരെ ക്ഷീണം, ഗ്രന്ഥികള്‍ വീര്‍ക്കല്‍ എന്നിവ വൈറസിന്റെ ലക്ഷണങ്ങളില്‍ ഉള്‍പ്പെടുന്നു.