Thursday 13 May 2021




വീട്ടിലെ ജോലിക്കാരിയുമായി പ്രണയത്തിലായ ഭര്‍ത്താവ് വീട്ടില്‍നിന്ന് പുറത്താക്കിയതായി യുവതി; ഭീഷണിപ്പെടുത്തിയെന്ന് പരാതി

By sisira.04 Apr, 2021

imran-azhar

 

അഹമ്മദാബാദ്: വീട്ടിലെ ജോലിക്കാരിയുമായി അടുപ്പത്തിലായ ഭര്‍ത്താവ് തന്നെ വീട്ടില്‍ നിന്ന് പുറത്താക്കിയതായി ഭാര്യയുടെ പരാതി.

 

അല്‍ക്ക വ്യാസ് എന്ന യുവതിയാണ് ഭര്‍ത്താവായ മുകേഷ് വ്യാസിനും വീട്ടിലെ ജോലിക്കാരിയായ ഹെതലിനുമെതിരെ പരാതിയുമായി നികോല്‍ പൊലീസ് സ്റ്റേഷനിലെത്തിയത്. വാര്‍ത്ത ടൈംസ് ഓഫ് ഇന്ത്യയാണ് റിപ്പോര്‍ട്ട് ചെയ്തത്.

 

പ്രണയ വിവാഹമായിരുന്നു ഇവരുടേത്. മുകേഷ്-അല്‍ക്ക ദമ്പതികള്‍ക്ക് 15 വയസ്സുള്ള മകളും 14 വയസുള്ള മകനുമുണ്ട്.

 

മകനെ ഗര്‍ഭം ധരിച്ച സമയത്താണ് ഇവര്‍ ഹെതലിനെ വീട്ടു ജോലിക്ക് നിയോഗിച്ചത്. എന്നാല്‍, ഭര്‍ത്താവും ഇവരും അടുത്തു.

 

അതിന് ശേഷം ശാരീരികമായും മാനസികമായും തന്നെ പീഡിപ്പിക്കാന്‍ തുടങ്ങിയെന്ന് ഇവര്‍ പരാതിയില്‍ പറയുന്നു.

 

ബന്ധത്തെ താന്‍ എതിര്‍ത്തതോടെ ഇവര്‍ നികോലിലേക്ക് താമസം മാറി. തന്നോടും കാമുകിയോടും ഒപ്പം ജീവിക്കണമെന്നാണ് ഭര്‍ത്താവിന്റെ ആവശ്യം.

 

ഇതിനെ താന്‍ എതിര്‍ത്തപ്പോള്‍ ജോലിക്കാരിയുമായുള്ള ബന്ധത്തെക്കുറിച്ച് പുറത്തുപറഞ്ഞാല്‍ കൊല്ലുമെന്ന് ഭീഷണിപ്പെടുത്തിയെന്നും പരാതിയില്‍ വ്യക്തമാക്കി.

 

2020 ഏപ്രിലില്‍ തന്നെ വീട്ടില്‍ നിന്ന് പുറത്താക്കി. മക്കളെ പോലും കാണാന്‍ സമ്മതിക്കുന്നില്ലെന്നും മാതാപിതാക്കളോടൊപ്പമാണ് ഇപ്പോള്‍ താമസിക്കുന്നതെന്നും യുവതി പറയുന്നു.