കേരള ബഡ്ജറ്റ് ; സാധാരണക്കാർക്കായി 'വൺ കേരള കരുതൽ മിഷൻ'

     സമൂഹത്തിൽ സാമ്പത്തികമായി പിന്നോക്കം നിൽക്കുന്ന ജന വിഭാഗങ്ങൾക്കും മാരകരോഗങ്ങൾക്ക് ചികിത്സ തേടുന്നവർക്കും കൈത്താങ്ങാവുന്നതിന് വേണ്ടി 'വൺ കേരള കരുതൽ മിഷൻ' എന്ന പേരിൽ പൂർണ്ണമായും അത്യാധുനിക സാങ്കേതികവിദ്യയിൽ അധിഷ്ഠിതമായ പുതിയ പ്ലാറ്റ്‌ഫോമിന് സർക്കാർ രൂപം നൽകുന്നു , ഈ പദ്ധതിയുടെ പ്രവർത്തനങ്ങൾക്കായി ഒരു കോടി രൂപയാണ് ബജറ്റിൽ

വകയിരുത്തിയത് .സാമ്പത്തിക പരാധീനത മൂലം കൃത്യമായ ചികിത്സയോ കുട്ടികളുടെ ഉന്നത വിദ്യാഭ്യാസമോ മുടങ്ങുന്ന സാഹചര്യത്തിൽ കുടുംബങ്ങൾക്ക് തടസ്സങ്ങളുമില്ലാതെ നേരിട്ട് അടിയന്തര സഹായം എത്തിക്കുകയാണ് ഈ പദ്ധതിയുടെ പ്രധാന ലക്ഷ്യം. സർക്കാർ ഇതര സംഘടനകൾ, കോർപ്പറേറ്റ് സ്ഥാപനങ്ങളുടെ സി.എസ്.ആർ ഫണ്ടുകൾ, സന്നദ്ധരായ വ്യക്തികൾ, വിവിധ സ്ഥാപനങ്ങൾ എന്നിവയിൽ നിന്ന് ലഭിക്കുന്ന സാമ്പത്തിക സംഭാവനകൾ അതീവ സുതാര്യമായ രീതിയിൽ കൃത്യമായി അർഹരിലേക്ക് എത്തിക്കുകഎന്നതാണ് ഈ മിഷന്റെ അടിസ്ഥാന പ്രവർത്തന ലക്ഷ്യം